Summani So'z Bilan Yozish

Hisob-faktura, shartnoma va to'lov topshiriqnomasida summa raqam bilan ham, so'z bilan ham yoziladi. So'z bilan yozilgan summani keyinchalik o'zgartirib bo'lmaydi — bu hujjatni himoya qiladi va raqamdagi xatoni ham ko'rsatib beradi.

O'zbekistonda hujjatlar ikkala yozuvda ham yuritiladi: bir tashkilot lotinda, boshqasi kirillda so'raydi. Ikkalasini birga berish — ikkinchi marta qidirib yurmaslik degani. Kirill varianti Webiston'ning o'z transliteratsiya kutubxonasi orqali hosil qilinadi.

Og'zaki nutqda «ming so'm» deyiladi, lekin rasmiy hujjatda har bir birlik sanab yoziladi: 1 000 — «bir ming so'm», 100 — «bir yuz so'm». Qonun matnlarining o'zi ham shunday yozadi — lex.uz'da «bazaviy hisoblash miqdorining bir yuz ellik baravari» deb keladi. Hujjatdagi summa ovoz chiqarib o'qilganda ikki xil tushunilmasligi kerak.

Kasr qism tiyin sifatida o'qiladi: 1250000,50 — «bir million ikki yuz ellik ming so'm ellik tiyin». Tiyin nolga teng bo'lsa yozilmaydi, chunki har bir hujjatda «nol tiyin» ortiqcha. «Oddiy son» rejimida esa kasr qism yozilmaydi — o'zbek tilida kasrni o'qish alohida qoidaga bo'ysunadi va uni noto'g'ri yozgandan ko'ra yozmagan afzal.

18 xonagacha, ya'ni kvadrilliongacha. Undan kattasi uchun vosita xato ko'rsatadi — yarim yozilgan summa berishdan ko'ra to'xtagani xavfsizroq. Hisob aniq butun sonlar bilan bajariladi, shuning uchun uzun summa ham yaxlitlanmaydi.

Yo'q. Butun hisob brauzeringizda bajariladi, hech qanday server bilan almashinuv yo'q. Sahifani yopsangiz, kiritgan raqamingiz ham yo'qoladi.