Identifikatorlar va Zaxiralangan so'zlar
Identifikator - bu shunchaki nom nom. JavaScript’da identifikatorlar konstantalar, o'zgaruvchilar, xossalar, funksiyalar va klasslarni nomlash, shuningdek, JavaScript kodidagi ma'lum sikllarga nishon (label) berish uchun ishlatiladi. JavaScript identifikatori harf, pastki chiziq (_) yoki dollar belgisi ($) bilan boshlanishi kerak. Undan keyingi belgilar harflar, raqamlar, pastki chiziqlar yoki dollar belgilari bo'lishi mumkin. (Raqamlarga birinchi belgi bo‘lishiga ruxsat berilmaganining sababi, JavaScript interpretatorining identifikatorlarni sonlardan oson ajrata olishini ta’minlashdir). Quyidagilar barchasi to'g'ri identifikatorlardir:
Har qanday tilda bo'lgani kabi, JavaScript ham ma'lum identifikatorlarni tilning o'zi uchun uchun zaxiralab qo'yadi. Bu "zaxiralangan so'zlar"ni oddiy identifikatorlar sifatida ishlatib bo'lmaydi. Ular keyingi bo'limda sanab o'tilgan.
Zaxiralangan so'zlar
Quyidagi so'zlar JavaScript tilining bir qismidir. Ularning ko'pchiligi (masalan, if, while va for kabi) zaxiralangan kalit so'zlardir (reserved keywords) va ularni konstantalar, o'zgaruvchilar, funksiyalar yoki klasslar nomlari sifatida ishlatish mutlaqo mumkin emas (biroq ularning barchasini obyekt ichidagi xossa nomi sifatida ishlatsa bo'ladi). Boshqalari (masalan, from, of, get va set kabi) cheklangan kontekstlarda sintaktik noaniqlik (syntactic ambiguity) bo'lmagan holda ishlatiladi va identifikator sifatida qo‘llash uchun mutlaqo to‘g‘ri hisoblanadi. Yana boshqa kalit so'zlar (masalan, let kabi) oldingi versiyalar bilan moslikni (backward compatibility) saqlab qolish uchun to'liq zaxiralanishi mumkin emas, shuning uchun ularni qachon identifikator sifatida ishlatish mumkinu, qachon mumkin emasligini belgilovchi murakkab qoidalar mavjud. (Masalan, let so'zini var orqali klass tashqarisida e'lon qilinsa, o'zgaruvchi nomi sifatida ishlatsa bo'ladi, lekin klass ichida yoki const bilan e'lon qilinsa, mumkin emas.) Eng oson yo'l - bu so‘zlarning hech birini identifikator sifatida ishlatmaslikdir. from, set va target so‘zlarini ishlatish xavfsiz va ular allaqachon keng qo‘llanilmoqda.
JavaScript, shuningdek, hozirda tilda ishlatilmaydigan, lekin kelajakdagi versiyalarda ishlatilishi mumkin bo'lgan ba'zi kalit so'zlarni ham zaxiralaydi yoki ulardan foydalanishni cheklaydi:
Tarixiy sabablarga ko'ra, arguments va evalso'zlariga ma'lum holatlarda identifikator sifatida ruxsat etilmaydi va ularni umuman ishlatmaslik tavsiya etiladi.