React’da server renderlash API’lari

Oldingi bo’limda, biz Express va ReactDOMServer yordamida faqatgina klient-tomonida render qilingan React ilovasiga server render qilishni o’zimiz “qo’lda” amalga oshirdik. Xususan, biz ReactDOMServer.renderToString() funksiyasidan foydalanib, React ilovamizni HTML satriga render qildik. Bu React ilovasiga server render qilishning eng oddiy usuli. Biroq, React ilovalariga server render qilishning boshqa usullari ham mavjud. Keling, React tomonidan taqdim etilgan server render qilish API’lariga chuqurroq nazar tashlaylik va ularni qachon va qanday ishlatishni tushunaylik.

Keling, renderToString API’sini batafsil ko’rib chiqaylik, uning ishlatilishini, afzalliklarini, kamchiliklarini va uni React ilovasida qachon mos ravishda ishlatish kerakligini o’rganaylik. Xususan, biz quyidagi savollarga javob izlaymiz:

• Bu nima?
• Bu qanday ishlaydi?
• Bu bizning kundalik ishlatadigan React ilovalarimizga qanday mos keladi?

Buni boshlash uchun, avvalo, bu nima ekanligini muhokama qilaylik.